بعد ما حطّت بيب على بروفيلها تصويرة لمولودها الجديد وفرحانة بيه هي و راجلها،
واحدة من المتابعات عملت كمنت وقالت:
(هيا نتلمو و نضربوها بعين حارة ).
وصارت الكارثة: توفّى الطفل حديث الولادة.
العين حق والسحر موجود.
استرو رواحكم
يا ناس، باللهي افهمو ، راهو الدنيا ما عادش كيف قبل!
تصويرة وحدة تهبطوها عالفايسبوك، تولّي تدور بين عباد لا تعرفوهم لا يعرفوكم... وموش الكل يحبلكم الخير!
راهو العين حق والسحر حق، وما تخيلوش تصاوركم تولّي
سبب في مشاكل ما تفهموهاش!
راهو كي تحط تصويرة صغيرك، ولا تصويرة فرحتك
مع راجلك، ولا حتى تصوريتك إنت،
تتلقفها عيون مريضة وقلوب سوداااااااء !!
عيون تحسد، وقلوب تحقد، وسحّارة ما ترحمش!
ياخي آش يخيّلولكم؟ برشة عباد تاخذ تصاور البروفيل، تخدّم عليهم في السحر، تحطهم في طلاسم، تدعي عليكم بالشر وأنتوما فرحانين ومزينين الفايسبوك بيهم!
يا ناس، الستر زينة.
موش لازم تصورو كل لحظة، وكل ضحكة، وكل عرس، وكل مولود، وتنشروهم قدام العالم.
خليّوا الفرحة بيناتكم وبين اللي تحبوهم، بين العايلة والصحاب اللي تعرفوهم واحد واحد.
مش لازم تعيشوا حياتكم كاملة عالملأ... موش كل فرحة تتقال، وموش كل نعمة تتعطى